Gudoomiyaha Gobalka Hiiraan Muuse Salaad Wehliye ayaa shir gudoomiyey kulanka Maamulka Gobolka Hiiraan heer gobal iyo heer degmo oo aay ka soo qeeyb’galeen masuuliyiinta heerarka kala Duwan ee Degmooyinka BELEDWEYNE, MAXAAS, MATABAAN , MOQOKORI, FARLIBAAX, JAWIIL, IYO D/FEER-FEER SOOMALIA,
Ugu horeeyn gudoomiyaha gobalka hiiraan oo ku maqnaa safar shaqo ee la xeriiro xaaladaha Coladeed ee ka dhacay deegaano ka’tirsan Degmada Matabaan ee gobalka hiiraan mudo Toban iyo afar Maalmood (14) maalmood , ayaa Maamulka Gobolka Hiiraan siiyey warbixino la xeriiro dadaalada nabadeed ee dhaqan galay asigoo xusay in la sameeyey xabad joojin dadaalo Lagu abuuray jawi wadagal ayadoo hay’addaha Amniga aay xabsiga dhigeen |40|, oday dhaqameed ee dhinacyada beelaha walaalaha ah kuwaas oo loo arkay ineey caqabad ku ahaayen Dadaalada wadahadalka iyo nabad dhalinta.
𝗔𝗠𝗡𝗜𝗚𝗔
Shirka intii socday waxaa warbixino amniga la xeriiro looga dhageeystay dhamaan masuuliyiinta gudoomiyaasha Degmooyinka iyo masuuliyiinta Ku-xigeenada amniga ee ka socday Degmooyinka Gobalka Hiiraan ee dowlad gobaleedka Hirshabeelle, ayagoo xaaladaha amni guulaha laga degmooyinka difaacyadda fog ee lagu baacsanayo khawaarijta argagixisada Shabaab ayagoo xaqiijiyey in awooda kooxaha Khawaarijta lagu burburiyey gobalka lana fashiliyey dhamaan isku dayadii aay ku doonayeen ineey qabsadaan Deegaano kamida gobalka hiiraan, sidoo kale Hay’addaha amniga degmada Beledweyne ayaa Toogday todobaad ka hor dhagar’qabyaal ka’tirsan khawaarijta ee rabay ineey abuuraan jawi amni Daro .
𝗗𝗛𝗔𝗤𝗔𝗔𝗟𝗔𝗛𝗔
Gudoomiyaha degmada Beledweyne Mudane Cumar cismaan Calasoow ayaa soo bandhigay Hanaan lagu hormarinayo kobac daqliga degmada Beledweyne si shacabka looga qaado canshuur looguna celiyo adeegyada dowladnimada, midaas oo wax badan ku siiyadineeyso hormarinta Degmada Beledweyne ee xaruunta gobalka hiiraan.
Sidoo kale duqa magaalada Beledweyne Marwo Nadar Tabaax maalin ayaa ka warbixisay hanaan-ka mashaariicda hormarineed ee socdo kuwaas oo Dadaalo sareeyo aay gelisay xafiiska mayarka magaalada Beledweyne, Nadar Tabaax maalin, mayarka magaalada ayaa xustay in magaalada Beledweyne aay yeelaneeyso Jidad casri ah kuwaas oo si casri ah loo dhiso halka mashariic kale aay wali socdaan ku waas oo soo kordhin doono , kobac dhaqaalle iyo bilic hormarineed,
Dhanka kale gudoomiyaha gobalka hiiraan oo dul istaagay soo jeedinta masuuliyiinta ayaa xusay muhiimada aay leedahay in la korjoogteeyo Shirkadaha fulinayo mashaariicda si ku dhisan Daah-furnaan iyo Islaxisaabtan, bulshada aay u helaan hormar waaro oo lataaban karo.
𝐃𝐇𝐀𝐁-𝐔-𝐇𝐈𝐒𝐇𝐈𝐈𝐒𝐈𝐍𝐓𝐀
Gudoomiyaha Gobalka Hiiraan mudane Muuse Salaad wehliye oo soo xiray shirka ayaa u mahadceliyay dhamaan masuuliyiinta maamulka Gobolka Hiiraan iyo gudoonada Degmooyinka Gobalka Hiiraan, warbixinada sareeyo ee aay soo Bandhigeen asigoo xusay in hada Juhdiga ugu xoogan lagelinayo sidii loo xaqiijin lahaa dibu-heshiisin bulsho, oo loo abuuro beelaha walaalaha ah ee dagaalamay midaas oo meel wanaagsan mareeyso , Maamulka Gobolka Hiiraan uu wado dadaalo kama danbeeys ah.
Ugu dambeeyn gudoomiyaha gobalka hiiraan ayaa Faray dhamaan masuuliyiinta kala duwan ee Degmooyinka ineey ka shaqeeyaan adkeeynta Nabadda dowladnimada Iyo sarre u qaadista Howlagaladda ka dhanka ah khawaarijta , lana Xoojiyo hanaan-ka amniga sare u qaadista arimaha daqliga midaas oo gundhig u ah Hormaradda guud ee shacabka.
–