Gudoomiyaha Degmada Beledweyne Mudane Cumar Cismaan Calasow ayaa magaalada muqdisho ugu qeyb galay kulan-hawleedka Qaran ee ku saabsan ku biirista soomaliya ee Heshiiska caalamiga ah ee isticmaalka iyo ilaalinta Biyaha iyo Harooyinka xaduudaha ka gudba.
Kulanka oo soconaay mudo seddex maalin ah ayaa loogu hadlay muhiimada ay leedahay in Soomaali ay ku biirto axdigaan Qaran maadama dalkeena ay maraan wabiyo iyo biyo ka yimaado dalal kale muhiimna ay tahay in helo axdi lagu xakameyo qataraha iyo dhibaatoyinka ka yimaado isticmaalka biyaha.
Gudoomiye Calasow ayaa shirka inta uu socday ka jeediyey warbixin ku saabsan caqabadaha iyo xaaladaha ka dhasha wabiga Shabelle oo saameyn ku yeesha bulshada maagalada Beledweyne iyo sida ay muhiim utahay ku biirista soomaliya ee Heshiiska caalamiga ah ee isticmaalka iyo ilaalinta Biyaha iyo Harooyinka xaduudaha ka gudba.