Gaadiid gargaar u waday marinka Qasa ayaa la dhacay, waxaana qaatay koox hubeysan oo loo yaqaan kooxda Yasir Abu Shebeb, kuwaasoo taageerro hub iyo dagaalle ka hela Israel.
Isla markii gaadiidka gargaarka ay galeen Qasa, kooxdan ayaa rasaas ku furtay dadkii rayidka ahaa ee gaajeysnaa oo doonayay inay raashinka la deggaan, waxayna meesha ka ka xeysteen gaadiidkii.
Waa istaraatijiyada Israel in sawirro laga qaado gaadiidka gargaarka, balse marka ay Qasa galaan ay dhacaan kooxdan ay maalgeliso oo uu hoggaamiyo ninka lagu magacaabo Yasir Abu Shebab oo ka soo jeeda qoys reer Falastiin ah oo caan ka ah koonfurta Qasa, balse waxaa lagu eedeeyaa inuu xiriir la leeyahay Israel.
Dhinaca kale, Koox ka socota Qaramada Midoobay oo gaartay Qasa ayaa duubtay muuqaallo argagax leh oo muujinaya rayid Falastiiniyiin la tabaalaysan gaajo oo u maleynaya gaari kasta inuu gargaar sido oo si ula kac ah ay ciidanka Israel, rasaas ku furayaan, illaa markii dambe ay dadku ku soo qamaameen gaadiidka.
Macluul daran ayaa ka taagan Magaalada Gaza iyadoo dadku ay bilaabeen iney u dhintaan Gaajo ka dib markii Israel ay diiday in gargaar la gaarsiiyo dad ka badan 2 milyan oo halkaas ku macluulaya taasoo ay u dheer tahay duqeymaha aan kala joogsiga lahayn ee ciidamada Israel.