Macawisleyda Beesha Xawaadle oo shalay illaa maanta casharro cajiib ah u dhigay Shabaabka arxan laawayaasha ah ee dhiigga Shacabka Soomaaliyeed ka ganacsada.
Aragtidooda gurracan ayaa u sheegtay Shabaabka iney weeraraan Mubaax oo katirsan Hiiraan isla markaasna ay joogaan sooma jeestayaasha aan xabadda ka cabsan ee Macawisleyda Xawaadle, waxaase ay la kulmeen in la jabiyey oo laga furtay shalay hub, dagaalkana looga gacan sarreeyey.
Saakay aroortii ayey mar kale soo weerareen iyagoon quusan Shabaabku Mubaax oo Macawisleydu joogto, saakay sida loo ceyrsanayey Aadan Yabaal oo ay kasoo duuleen ayaa lagu geeyey, waxaana Macawisleydu hadda hareereeyeen Aadan Yabaal oo Shabaabka ay ka qabsan rabaan. Waxay isku dhaarsadeen Macawisleydu ineysan dib u laaban iyagoon qabsan Aadan Yabaal oo gacanta dowladda aysan ku simin.
Dagaalka Somalia Macawisleydu hoggaan ha u noqdaan, iyagaa garanaya sida Shabaab la isaga celiyo.
Cali Aadan Muumin