- FAAH-FAAHIN CUSUB:- Dowladda Iiran ayaa shaaca ka qaaday
Wakaalada wararka ee Iran ayaa ku warantay in ay bilowday wax ay ugu yeedhay “jawaabtii Iran ee Burburka” iyada oo boqolaal gantaalo ah caawa ku garaacday Israa’iil, taas oo jawaab u ah duullaanka militariga Israa’iil.
Warbaahinta Israa’iil ayaa ku warrantay in dab uu ka kacay meel u dhow xarunta wasaaradda gaashaandhigga ee magaalada Tel Aviv, iyadoo xustay in gantaallo ay ku dhaceen 7 goobood oo ku yaalla bartamaha Israa’iil.
Iyadoo Wakaalladda Wararka Iran ee Tasnim News Agency ay sheegtay in Duuliye Duuliye u dhalatay Israel lagu qabtay Hawlgal lagu beegsaday Diyaarad dagaal oo ay leedahay Israa’iil, ayaa haddana Afhayeen u hadlay Milliteriga Israa’iil wuxuu beeniyey in Diyaarad dagaal la soo riday, Duuliyahana la xiray.
Milatariga Israel ayaa sheegay in daraasiin diyaarado dagaal ay fuliyeen weerarka furitaanka ee ka dhacay wadnaha Iran, halka warbaahinta Iran ay xaqiijisay dhimashada saynisyahano nukliyeer ah iyo hogaamiyayaal militari, oo ay ku jiraan taliyihii ilaalada kacaanka Hossein Salami iyo madaxa shaqaalaha Mohammad Bagheri.