Wararka ka imaanaya degmada Aadan Yabaal ee gobolka Shabeelada Dhexe ayaa sheegaya in xalay ahaa duqeymo culus lala beegsaday goobo la tuhunsan yahay inay ku dhuumaalaysanayaan malayshiyaad katirsan ururka Alshabaab.
Xogta ayaa sheegaysa in duqaymihii xalay lala beegsaday godad iyo fadhiisimo ay kooxda Al-shabaab ku lahaayeen degmada, inkastoo aan faahfaahin laga bixin khasaaraha ka dhashay iyo haddii lagu guulaystey ujeedkii weerarka.
Maalinimadii shalaya ayaa waxaa degmada Aadan Yabaal ka dhacay dagaal sababay khasaare dhimasho iyo dhaawac isugu jira una dhexeeyey ciidanka dowladda iyo dagaal yahano katirsan kooxda Alshabaab.
Dhanka kalena, ciidamo gurmad ah oo habeenimadii xalay ka baxay degmooyinka Moqokori, Maxaas iyo deegaano kale oo ka tirsan gobolka Hiiraan ayaa gaaray duleedka Aadan Yabaal.