Dowladda Jabuuti ayaa si weyn usoo dhaweysay go’aanka dowladda Koonfur Afrika ku dacweysay maamulka Israa’iil oo ciidankiisa xasuuq ba’an ka geestay magaalada Gaza ee dhulka reer Falastiin.
Qoraal kasoo baxay dowladda Jabuuti ayey kusoo dhaweysay kuna taageertay kiiska dacwada ka dhanka ah maamulka Israa’iil ee dowladda Koonfur Afrika horgeysay maxkamadda Caddaaladda ee ICJ.
“Waxaan hambalyeynaynaa go’aanka Dowladda koonfur Afrika, kaas oo wax weyn ka badali doono dagaalka ka socda dhulka Falastiiniyiinta. Waxa aan rajeyneyna inuu soo gabagabeeyo xasuuqa ka socda Qaza ka oo aay gaysanayan Israa’iil” ayaa lagu yiri warka dowladda Jabuuti kasoo baxay.
Maxkamadda ICJ ayaa bilowday dhageysiga dacwad ka dhan ah maamulka Israa’iil, waxaana dacwadan oo ah mid xad-gudub iyo tacadiyo ciidamada Israa’iil ka geesteen magaalada Gaza ay wali shacab ku leynayaan.