Dowladda Hindiya ayaa si adag u diiday magac-beddelkii ugu dambeeyay ee Shiinuhu ku sameeyay 27 meelood oo ku yaalla gobolka Arunachal Pradesh, oo ah deegaan ay Hindiya sheegato inuu si buuxda uga mid yahay dhulkeeda.
Wasaaradda Arrimaha Dibadda Hindiya ayaa ku tilmaamtay tallaabadaas “mid aan waxba ka jirin oo laga garan la’yahay xaqiiqda dhabta ah.”
Hindiya waxay caddeysay in gobolka Arunachal Pradesh yahay qayb ka mid ah dalkeeda, isla markaana aysan magac-beddello waxba ka beddeli karin xaqiiqadaas.
Shiinaha wuxuu gobolkaas ugu yeeraa “Zangnan” wuxuuna ku doodayaa inuu yahay qayb ka mid ah koonfurta Tibet, balse tani waxay noqonaysaa isku daygii shanaad ee Shiinaha tan iyo 2017 uu ku beddelayo magacyada halkaas.
Tallaabadan ayaa imaneysa xilli ay weli jiraan xiisado xuduudeed oo u dhaxeeya labada dal, iyadoo uu jiro muran dhuleed oo gaaraya 3,800 km.
Dagaalkii 2020 wuxuu sababay khasaare dhimasho labada dhinac ah.