Warar dheeraad ah ayaa ka soo baxayo shil gaari oo ka dhacay duleedka magaalada Garoowe.
Shilkaan ayaa sababay khasaare dhimasho iyo dhaawac isugu jira, iyada dadka ku waxyeellobay ay dhammaantood yihiin hal qoys shil maanta ka dhacay deegaanka lagu magacaabo Laacdheere oo hoos yimaado magaalada Garowe ee gobalka Nugaal.
Shilka ayaa Hooyo iyo wiilkeed ku geeriyoodeen, waxaana ku dhaawacmeen wiil ay dhashay hooyada geeriyootay iyo mid ayeeyo ay u tahay, kadib markii gaari nooca qaadka qaada dusha ka maray bajaaj ay saarnaayeen.
Ciidanka Booliska Gobolka Nugaal ayaa goobta soo gaaray, waxa ayna halkaas xabsiga u taxaabeen darawalkii waday gaariga qaadka shilkaasi sababay.
Shilkaan ayaa imaanay xilli muddooyinkii u dambeeyay ay ku sooo badanaayeen deegaannada puntland, iyada oo inta badan loo sababeeyo darwallada aan mas’uuliyad badan iska saarin wadidda gawaarida.