Ciidanka Israa’iil ayaa goordhow dib uga baxay Magaalada Khaan Yuunis oo ay ku sugnaayeen 22 cisho, waxaana lagu arkay maydadka dad rayid ah oo qaarkood isbaddel ku yimid jirkooda sida ay xaqiijiyeen kooxaha gurmadka oo goobta gaaray.
Burbur xooggan ayaa soo gaaray Magaalada Khaan Yuunis, markii ay ciidanka Yuhuudda ay dib uga baxeen waxaa gudaha u galay dhaqdhaqaaqa Xamaas oo guutada sida gaarka ah ugu tababaran baarista Miinooyinka ay ka howlgaleen.
Dadka ayaa loo diiday meelaha qaar in ay galaan sabab la xiriirta in Ciidamada Cadawga uu uga tagi karo Walxa qarxa iyo Kaamirooyin ay ku dhibaateyn karaan dadka halkaas isugu taga balse la hubinayo kaddibna loo fasaxi doonno.
Magaalada Khaan Yuunis waxa ay kamid tahay meelaha ay dhibaatooyinka xooggan ka gaysteen Ciidamada Israa’iil, weerarro toos ah oo ay ku gudaha ugu galeen Ciidanka & Duqayn ay ku garaaceen waxa ay nafta ku dhaafiyeen Tobaneeyo ruux.