🚨 DEG DEG: Xiisad ka taagan Baarlamaanka Soomaaliya
Guddoonka Golaha Shacabka ayaa maanta qorsheynaya in la ansixiyo Cutubyada 4-aad iyo 13-aad ee Dastuurka, kuwaas oo qayb ka ah isbeddelka dastuurka ee ay waddo Dowladda Federaalka. Tallaabadan ayaa imanaysa iyadoo ay si adag uga soo horjeedaan xubnaha Golaha Mustaqbalka Soomaaliya iyo qaar ka mid ah mucaaradka.
Xildhibaano mucaarad ah oo dhowaan laga saaray fadhiyada kadib 12 kulan oo ganaax ah ayaa isku dayay inay maanta tagaan xarunta Golaha Shacabka, balse waxaa la sheegay in ciidamada ammaanka ay hor istaageen maadaama liiskooda wali uu gacanta ku hayo ammaanku.
Dhanka kale, dowladda ayaa ciidamo dheeraad ah geysay xarunta Baarlamaanka, iyadoo la qorsheynayo in maanta la dhammeystiro doodda iyo ansixinta cutubyada dastuurka ee muddooyinkii dambe muranka xooggan dhaliyay.
Si kastaba, su’aasha ugu weyn ee ay dad badan is weydiinayaan ma aha oo kaliya in dastuurka la ansixin doono, balse waa:
Haddii la ansixiyo, ma dhaqan geli doonaa? Halkee se si dhab ah uga shaqeyn doonaa?