Mas’uuliyiin Sare oo Booqday Furimaha Hore ee Dagaalka Duleedka Degmada Aadan Yabaal
Agaasimaha Hay’adda Sirdoonka Qaranka, Mudane Cabdullaahi Maxamed Cali (Sanbalooshe), Taliyaha Ciidanka Dhulka Jeneraal Khaalid, Wasiirka Arrimaha Gudaha ee Dowladda Hirshabeelle, Taliyaha Guutada 5aad G/le Maxamuud Xasan Ibraahim (Baakay), iyo mas’uuliyiin kale ayaa booqasho ku tegay furimaha hore ee dagaalka ee ku yaalla duleedka degmada Aadan Yabaal.
Mas’uuliyiinta ayaa kormeeray difaacyada Ciidanka Qaranka iyo Xoogagga Deegaanka, iyagoo halkaas kula kulmay saraakiisha iyo ciidanka ku sugan jiidaha hore, si ay ugu dhiirrigeliyaan dadaallada ay ugu jiraan xoreynta deegaannada ay wali ku sugan yihiin kooxaha argagixisada ah.
Booqashadan ayaa qayb ka ah dadaallada lagu xoojinayo gulufka dagaal ee ka socda gobollada dhaxe ee dalka.