Ra’iisul Wasaare Xamze oo caawa Madaxweynihii hore dalka Sheekh Shariif u jawabay.
Ra’iisul Wasaaraha Soomaaliya, Xamse Cabdi Barre, ayaa si adag uga falceliyay dhaliil uu dhawaan jeediyay Madaxweynihii hore ee dalka, Sheekh Shariif Sheekh Axmed, oo ku eedeeyay dowladda inay ka gaabisay la dagaalanka Al-Shabaab iyo hagaajinta xaaladda amniga dalka.
Xamse Cabdi Barre ayaa caawa yiri “Guuto dagaalami karta lama arko, ciidankii waa baaba’een, ninka ku haaya isagoo jiifa ayuu Madaxweynuhu furinta ku jiray.”
Hadalkan waxaa si weyn loogu fasiray weerar toos ah oo lagu qaaday Sheekh Shariif, maadaama uu horey u sheegay in aysan jirin guuto kamid ah ciidamada xoogga dalka oo dagaal gali karta. Xamse wuxuu muujiyay in Madaxweyne Xasan Sheekh Maxamuud uu safka hore ku sugan yahay, halka la ogyahay in madaxweynuhu dibadda ku maqan yahay.
Sheekh Shariif ayaa todobaadkan hore si cad u dhaliilay dowladda federaalka, isagoo sheegay in ciidamada aan la siinin daryeel iyo taageero buuxda, taasoo, sida uu sheegay, sababtay burburka nidaamkii difaaca dalka.