Isra’iil oo Wajahaysa Culeys Dhaqaale Kadib Dagaalkii Iraan
Isra’iil ayaa wajahaysa culays dhaqaale oo weyn kadib dagaalkii 12-ka maalmood socday ee ay la gashay Iran. Warbixinno la helay ayaa muujinaya in Isra’iil maalintii ku bixinaysay dagaalka ilaa $593 milyan, taasoo kharashka guud ee dagaalka ka dhigaysa ku dhowaad $20 bilyan.
Kharashaadkaasi badan waxay si weyn u saameeyeen miisaaniyadda dalka, iyadoo laga cabsi qabo in adeegyada muhiimka ah sida caafimaadka, waxbarashada iyo horumarinta bulshada loo leexiyo si loo daboolo baahida ciidamada. Dowladda ayaa sidoo kale laga yaabaa inay kordhiso cashuuraha ama deymo cusub qaadato si ay u daboosho khasaaraha.
Mucaaradka iyo shacabka qaar ayaa dhaliilay dowladda, iyagoo sheegay in dagaalka uu lahaa saameyn dhaqaale oo aan la qiyaasi karin, ayna muhiim tahay in la isweydiiyo qiimaha dhabta ah ee dagaalku ku baxday marka laga eego danta guud ee shacabka. Isra’iil waxay hadda wajahaysaa doorasho adag oo u dhaxaysa amniga iyo xasilloonida dhaqaale, iyadoo laga yaabo in ay joojiso dagaalka Qasa, sidoo kalana aanan xaqiijin guul la taaban karo.