Update: Iran oo sheegtay inay soo ridday Diyaarad Dagaal oo Mareykanku leeyahay
Sida ay tabisay warbaahinta dowladda Iran, ciidamada dalkaasi ayaa dhulka soo dhigay diyaarad dagaal oo nooca casriga ah ee MQ-9, taasoo ay leedahay dowladda Mareykanka. Diyaaraddan oo ah mid ka mid ah kuwa ugu horumarsan ee dhinaca sirdoonka iyo duqeynta, ayaa la sheegay in lagu soo riday hawada gobolka si cad loogu muujiyo awoodda difaaca cirka ee Iran.
Tani waxay noqoneysaa fashil kale oo ku dhacay nidaamka difaaca casriga ah ee Mareykanka iyo Israel, iyadoo ay horey Iran u sheegtay inay dhowr jeer hore u soo ridday diyaarado kale oo ay lahaayeen labadaas dal.
Sarkaal ka tirsan ciidamada Iran ayaa sheegay in dhacdadan ay muujineyso heerka ay gaartay awoodda difaaca cirka ee dalkaasi, isagoo intaas ku daray in aysan oggolaan doonin diyaarado shisheeye inay si xor ah ugu dul duulaan hawada Iran.