Iran oo lagu eedeeyay qorsheyn weerar ka dhan ah Saldhigyada Mareykanka ee Bariga Dhexe
Wakaaladda wararka ee Fars News Agency oo ah mid si dhow ula xiriirta dowladda Iran ayaa sheegtay in milatariga Iran uu diyaarinayo qorshayaal weerar ah oo lagu bartilmaameedsanayo saldhigyada Mareykanka ee ku yaalla gobolka Bariga Dhexe. Warbixintu waxay tilmaamaysaa in tallaabadan ay tahay mid jawaab u ah “gardarada Mareykanka” iyo taageerada tooska ah ee uu siiyo Is”r, gaar ahaan dagaalka ka socda Gaza.
Inkasta oo aysan jirin war rasmi ah oo kasoo baxay dowladda Iran ama taliska ciidanka ee xaqiijinaya weerarka la sheegay, hadallada wakaaladda Fars ayaa sare u qaaday walaaca ku saabsan xiisadda sii kordheysa ee gobolka, gaar ahaan kadib is-weydaarsiyo weerarro ah oo u dhexeeyay Iran, Xisbullah iyo Israel dhowrkii todobaad ee la soo dhaafay.
Mareykanka ayaa horay u xoojiyay joogitaankiisa milatari ee gobolka, wuxuuna sheegay in uu diyaar u yahay “in uu difaaco danihiisa iyo askartiisa meel kasta oo ay joogaan.”