DEG-DEG | Ilaalada Kacaanka Iiraan (IRGC) oo ku dhawaaqay weerar culus oo cusub:
Wakaaladaha wararka ee Iran ayaa goordhow baahiyay warbixin rasmi ah oo kasoo baxday Ilaalada Kacaanka Islaamiga ah (الحرس الثوري الإيراني), taasoo si cad u muujineysa in mowjad cusub oo gantaallo ah ay ku rideen Israa’iil, iyadoo la adeegsanayo hub culus iyo qorshe dagaal oo sii socon doona.
“Waxaan isticmaalnay gantaallada waaweyn ee Sijjil, kuwaas oo ah gantaallo fogaan-dheer, waxaana u adeegsannay mowjaddii 12-aad ee weerarada ka dhanka ah Israa’iil.”
“Waxaan burburinnay nidaamyadii difaaca cirka ee Israa’iil, waxaana hadda furan hawada dhulka Falastiin ee la haysto, taasoo keentay in gantaallada iyo diyaaradaha aan duuliyaha lahayn ee Iiraan si toos ah u galaan.”
“Weerarada gantaallada waxay noqon doonaan kuwo aad u xooggan, isdaba joog ah, waxayna ka dhigan yihiin in albaabada cadaabta loo furay Israa’iil – sida ay IRGC tilmaantay.
“Gantaaladeena xawaaraha sare leh ma siinayaan Israa’iil fursad ay bannaanka ugu baxaan, maalmo badan ayay ku jireen godadkooda, mana arkin qoraxda – ayuu yiri afhayeen u hadlay IRGC