Dowladda Iiraan ayaa markii u horreysay ka hadashay khasaaraha soo gaarey goobaha lagu keydiyo macdanta laga sameeyo Hubka Nukliyeerka.
Afhayeen u hadlay ururka tamarta Atomiga ee Iran ayaa sheegay in khasaare xadidan una badan burbur uu soo gaarey goobaha Kobcinta macdanta laga sameeyo Nukliyeerka.
“Waxaa jiray burbur xaddidan oo soo gaaray meelaha qaar, waxaan goobta ka saarnay qalabka iyo agabka, mana jirin waxyeello soo gaartay macdanta” ayuu yiri Afhayeenka.
Dhinaca kale, Iiraan waxaa ay sheegtay in ay sii wadi doonto gantaallada ay la bartilmaameydsaneyso gudaha Israa’iil, kuwaasi oo dhaliyay khasaare soo gaarey rayid iyo ciidan.
Israa’iil dhankeeda waxaa ay duqeymo ka fulisay gudaha Iiraan, iyada oo khasaaraha ka dhashay ka badan yahay 80 ruux oo ay ku jiraan Saraakiil ciidan iyo Seynisyahano.
Dhaqdhaqaaqyadan waxaa ay ku soo aadayaan xilli weli kacsan tahay xiisadda u dhaxeysa Iiraan iyo Israa’iil, labada dhinac is dhaafsadeen duqeymo iyo gantaalo.