DEG DEG: Dagaal Culus oo Ka Socda Xerada Uk-Duke ee Duleedka Balad Xaawo
Balad Xaawo, Dagaal culus ayaa goordhow ka qarxay xerada Uk-Duke oo ku taalla duleedka degmada Balad Xaawo, halkaas oo ay ku sugan yihiin ciidamo ka tirsan dowladda federaalka iyo kuwa maamulka Jubaland.
Goobjoogayaal ku sugan agagaarka xerada ayaa sheegay in rasaas culus iyo madaafiic la isku adeegsanayo, iyadoo la maqlayo jugta hubka culus oo gilgilaya deegaanka. Dadka deegaanka ayaa bilaabay in ay guryahooda ka barakacaan cabsi darteed.
Xerada Uk-Duke ayaa muddooyinkii dambe ahayd meel ay xiisad ka taagnayd, waxaana muuqata in ay hadda isku beddeshay goob dagaal oo toos ah.
Ilo amni iyo wararka laga helayo gudaha degmada ayaa sheegaya in dagaalku uu u muuqdo mid sii fidaya, iyadoo laga cabsi qabo inuu ku faafo gudaha magaalada.
Waxii warar ah ee kusoo kordha xaaladda kala soco wararkeena xiga.