DEG DEG: Dagaal Culus oo Ka Socda Deegaanka Miir-Khaliifa ee Hoostaga Magaalada Wardheer, Gobolka Doollo
Wararka naga soo gaaraya deegaanka Miir-Khaliifa, oo hoostaga magaalada Wardheer ee gobolka Doollo, ayaa sheegaya in uu ka socdo dagaal culus oo u dhaxeeya beelaha Reer Bicidyahan iyo Reer Dalal.
Ilo-wareedyo lagu kalsoon yahay ayaa xaqiijinaya in ugu yaraan 4 qofood ay ku dhinteen iska horimaadka, halka tiro kale ay ku dhaawacmeen. Dagaalka ayaa la sheegay in uu ka dhashay muran la xiriira dhul daaqsimeed, iyadoo labada dhinac ay adeegsanayaan hub culus.
Xaaladda ayaa ah mid aad u kacsan, waxaana laga cabsi qabaa in khasaaruhu intaas ka bato haddii aan si degdeg ah loo kala dhex gelin.
Ma jiraan weli wax war ah oo ka soo baxay maamulka deegaanka ama hay’adaha amniga gobolka Doollo oo ku saabsan tallaabooyinka lagu dejinayo xiisadda.