Ciidanka Daraawiishta ee dowlad goboleedka Koonfur Galbeed oo garab ka helaya Guutada 8-aad ee ciidamada Xoogga Dalka Soomaaliyeed ayaa weerar ku qaaday tuulooyin hoos yimaada deegaanka Deynuunaay ee gobolka Baay.
Hawlgalladaan ayaa oo ah kuwa qorshaysan ayaa la sheegay in lagu bartilmaameedsaday saldhigyo iyo fariisimo ay kooxda argagixisada ah ee Al-shabaab ku lahaayeen duleedka deegaankaasi.
Saraakiisha hormuudka u ah ciidanka hawlgalka fulinaya ayaa sheegay in weerarka lagu dilay tiro badan oo ka tirsan maleeshiyaadka Al-shabaab, halka tiro kalena ay ku dhaawacmeen, kuwa kalena ay goobta ka firxadeen.
Waxa ay sheegeen in hawlgalladaan lagu burburiyey fariisimo muhiim u ahaa Alshabaab sida, goobo tababar, kayd hub, agab ciidan, sahay iyo dukumentiyo caddaynaya xogta kooxda Alshabaab ee ku sugnayd deegaankaasi.