War Degdeg ah: Madaxweynihii Hore Shariif Sheekh Axmed oo Ku Dhawaaqay Xaq Dastuuri ah oo Uu U Leeyahay Qabashada Banaanbax
Madaxweynihii hore ee Jamhuuriyadda Federaalka Soomaaliya, Shariif Sheekh Axmed, ayaa ku dhawaaqay in uu leeyahay xaq dastuuri ah oo u oggolaanaya in uu banaanbax nabadeed ku qabto magaalada Muqdisho. Shariif Sheekh Axmed ayaa sheegay in dastuurka dalka uu si cad u dammaanad qaaday xorriyadda hadalka iyo muujinta aragtida shacabka, isla markaana uu qorsheynayo in uu si nabad ah ugu muujiyo dareenka shacabka.
Dhanka kale, siyaasiyiin ay ka mid yihiin:
• Cabdiraxmaan Cabdishakuur Warsame
• Ra’iisul Wasaarihii hore Xassan Cali Kheyre
• Ra’iisul Wasaarihii hore Maxamed Xuseen Rooble
ayaa isku afgartay in banaanbaxa dib loo dhigo ama laga baaqsado, iyaga oo ku sababeeyay xaaladda amni iyo baahida loo qabo in lagu xalliyo khilaafaadka siyaasaddu si wadahadal ah.
Si kastaba ha ahaatee, arrintan ayaa muujinaysa khilaaf siyaasadeed oo sii xoogeysanaya xilli dalka uu wajahayaan caqabado amni, siyaasadeed iyo doorasho.