Ciidamada Dowladda Federaalka Soomaaliya oo kaashanaya kuwa deegaanka ee Macawiisleyda ayaa dagaal toos ah iyo duqeymo ku qaaday Deegaanka Daaru Nicma Gobolka Shabeelaha Dhexe Dowlad-Goboleedka Hir-Shabeelle.
Duqeynta ayaa billaabatay xalay waqti dambe, waxaana xigay dagaal toos ah oo ciidamada iskaashanaya ee Federaalka iyo Macawiisleyda ay ku qaadeen saldhigyada ‘AS’ ay ku leeyihiin Deegaanka Daaru Nicma ee Gobolka Shabeelaha Dhexe.
Maamulka Gobolka Shabeelaha Dhexe ayaa saacadihii u dambeeyay xoogga saarayay abaabulka ciidamadaan Federaalka iyo Kuwa deegaanka ee Macawiisleyda si loo xoojiyo howlgallada ka dhanka ah ‘AS’ ee ka socda Hir-Shabeelle.
Si dhab ah looma ogaan khasaaraha ka dhashay weerarkaan tooska ah iyo duqeyn ka socota Deegaanka Daaru Nicma ee Gobolka Shabeelaha Dhexe, waxaa adag in ilaha deegaanka laga helo xogta khasaaraha maadaama intooda badan ay halkaas isaga barakaceen.
La soco wixii kasoo kordha