Xildhibaannada kasoo jeeda deegaanada Koonfur Galbeed Soomaaliya oo maanta shir jaraaβid ku qabtay magaalada Muqdisho ayaa ka hadlay dhacdadii shalay qabtay xulka Koonfur Galbeed oo weerar culus lagu qaado markii ay soo dhammaatay ciyaartii ay la lahaayeen dhiggooda Galmudug.
Xildhibaanadda ayaa si weyn uga carooday falkaasi oo ay ku tilmaameen in markii labaad lagu beegsaday ciyaarahannada Koonfur Galbeed Soomaaliya.
βAnaga Oromo miyaa nahay mise Tigree, Maxaa wiilasheena loo dilayaaβ ayay tiri Xildhibaan Maryan oo kamid ah xubnaha la hadlay Wariyeyaasha Muqdisho.
Dhankiisa Xildhibaan Cabdirashiid Jiley oo madasha ayaa ka hadlay ayaa si weyn u cambaareeyay weerarkaas oo si xun loogu dhaawacay qaar kamid ciyaartoyda.
Waxaan si aad iyo aad ah u cambaareynayaa falkii wuxuushninada ahaa ee ka dhacay shalay ciyaaraha run ahaantii arrin qurux badan ma ahanβ ayuu yiri Cabdirashiid Jiley.
Sidoo kale wuxuu tilmaamay in xildhibaanada kasoo jeeda Koonfur Galbeed ay gudbinayaan mooshin ka dhan ah wasaaradda dhalinyarada iyo ciyaaraha, si loogula xisaabtamo falkaasi.
βFalkaas dhacay oo la gabay amnigii la rabay in la ilaaliyo waa inoo qof u baxaa mooshin ayaan hadda gudbinay oo wasaaradda dhalinyarada iyo ciyaaraha saacadaha soo socda ayaa gaarsiineynaa guddoonka wuu qoran yahay mooshinkaβ ayuu mar kale yiri.
Waxaa kale oo uu si weyn u eedeeyay hayβadaha amniga oo uu tilmaamay inay dayaceen amniga ciyaartoyda Koonfur Galbeed ee lagu dhibaateeyay garoonka bannaankiisa.
βSaas oo kale kuwa amniga qaabilsan iyagana mooshinka ayaan marsiineynaa wasaaradda amniga ayayna hoos yimaadaanβ ayuu kusii daray xildhibaanku.
Si kastaba, Booliska Soomaaliya ayaa horay u sheegay inay wadaan baaris ku aadan weerarkan oo noqonayo kii labaad ee lagu beegsado ciyaatoyda Koonfur Galbeed oo haatan goβaan ku gaaray in aysan mar kale ka qayb-gelin ciyaaraha ka dhacaya Muqdisho.
Hoos ka daawo Muuqaalka Linkis ah
https://www.facebook.com/risaalatelevision/videos/187107421160874/?mibextid=rS40aB7S9Ucbxw6v