Warbixin:- Sawirro Guddoomiyaha cusub ee gobolka Hiiraan ee Dowladda Hiiraan State Mudane Cabdirashiid Cabdicasiis Cilmi (Ilkacase) ayaa maanta kormeeray xaaladda amni ee magaalada Beledweyne ee Caasimadda Dowladda Hiiraan State.
Guddoomiyaha gobolka Hiiraan ee Sharciga ah
Mudane Cabdirashiid Cabdicasiis Cilmi (Ilkacase) oo aay bar-bar socdaan ciidamada Daraawiishta Dowladda Hiiraan State ayaa kormeeray qeybo badan oo magaalada Beledweyne iyo goobahii shalay lagu dagaalamay.
Guddoomiyaha gobolka ayaa saraakiisha dowladda Hiiraan State ka dhageestay warbixin amniga la xariirta,guddoomiyaha ayaa intaasi kaddib socod dheer ku maray wadda Laamiga ee Beledweyne, waxuuna waqti la qaatay qeybaha bulshada.
Guddoomiye Cabdirashiid Cabdicasiis Cilmi (Ilkacase) ayaa digniin u diray koox yar oo suurad xumeyneeysa magaca dowladda Hiiraan State oo dad badan Dhiigga u qubeen mira dhalkiisa waxuuna sheegay in dadkaasi talaabo sharciga waafaqsan ka qaadi doonaan haddii aaysan ka tanaasulin waxa aay faraha kula jiraan.
Ugu dambeyn guddoomiyaha gobolka Hiiraan Mudane Cabdirashiid Cabdicasiis Cilmi (Ilkacase) ayaa gaadiidleyda gobolka Hiiraan ugu baaqay in aaysan wax dhaqaale siin maamulkii hore ee hirshabelle ee Beledweyne laga eryay guddoomiyaha ayaana ciidan geeyay dhammaan ilaha dhaqaalaha Hirshabelle dadka shacabka ah lacagta baadda ah uga qaadi jirtay.
