Magaalada Muqdisho ee caasimada Soomaaliya waxaa shalay ka bilaabatay maxkamadeynta Sayid Cali Macallin Daaβuud oo loo haysto in xaaskiisii oo uur lahayd uu gubay, marxuumad Luul Cabdicasiis Maxamed.
Eedeysanaha ayaa waxaa u doodaya qareen lagu magacaabo Abuukaate Cali Xalane, kaas oo dhaleeceyn xoogan kala kulmay bulshada, maadaama ay dood ka dhalatay kiiskan.
Dad badan ayaa kasoo horjeestay in Cali Xalane uu u doodo qof dambigaas oo kale gaystay, halka kuwa kalena ay taageereen, maadaama ay tahay arrin sharci ah.
Idiris Alteeso oo caan ka ah baraha bulshada ayaa kamid ah dadka ka falcilyay wuxuuna yiri βDabcan harciga haduu qabo xitaa in eedeysanaha Qareen yeesho waxey ahayd inuu isagu iska diido qofka noocaas oo kale ah inuu difaaco.β
Nashaad Cali waxa ay yaduna tiri βMaxkamaddu maba furto kiis aysan labada dhinac qareen wadanβ.
Xaad Maxamed ayaa isaguna yiri βNinkaan shaqadiisi ayuu haystaa, waa waxa uu bartay inuu qaab sharci ah u difaacoβ.
Caaisho Xayle ayaa ku jawaabtay βSharcigaa qaba inu qareen qabsado eedeysanaha ee sharciga bartaβ.
Sahra Aadan ayaa tiri βOdaygaan qareen waaye kama turjumaayo inuu qofka guulaysto AlShaaabka ba qareen waa loo qabtaaβ.
Dhinaca kale wasiirada cadaaladda iyo arrimaha dastuurka Xasan Macallin ayaa soo fara-geliyay arrintan, gaar ahaan doodda weynaha ee ka dhanka ah Abuukaate Cali Xalane.
βDadka waxay ka doodayaan qareenka loo qabtay eedeysanaha, qaarkood waxay leeyihiin ninkan nin fiican maβahan dadka waxey leeyihiin eedeysane kasta wuxuu leeyahay difaacβ ayuu yiri wasiirku.
Sidoo kale wuxuu tilmaamay in arrintan ay ka dhigan tahay in dadka Soomaaliyeed ay fahmayaan sharciga iyo ku dhaqankiisa.
βWaa barasho ay dadweyneynaheyna baranayaan sharciga marka dambana way u hoggaansamayaanβ ayuu mar kale yiri wasiir Xasan Macallin.