Wararka ka imaanaya Waqooyiga Magaalada Gaza ayaa kusoo warramaya in uu halkaas ka socdo dagaal xooggan oo u dhaxeeya Ciidamada Yuhuudda iyo dhalinyarada wax iska caabbin ee diidan dhibaatooyinka ay ku hayaan Dadka Magaaladaas ku nool.
Ilo kala duwan ayaa xaqiijiyay in ciidanka Yuhuudda muddo ka badan 72 saac ay wajahayaan dagaal xooggan oo aan kala joogsi lahayn waxaana dagaalladaas ka dhashay dhimasho, dhaawac iyo burbur hanti
Qaar kamid ah Dadka kooban ee Magaalada Gaza ku haray ayaa Warbaahinta u sheegay in xabbaddu iyo duqayntu aanay kala joogsi lahayn iyaga oo arkay maydadka & dhaawacyada Dad rayid ah oo ku sugan meelo u dhow goobaha Dagaalka.
Saraakiil katirsan Xamaas ayaa sheegay in dhowr kamid ah Gawaarida dagaalka in la gubay halka la toogtay askar sidoo kalena ay duqeeyeen saldhigyo ay ku sugan yihiin ciidamada duullaanka soo qaaday ee Israaiil.
Bartamaha Magaalada Gaza waxaa sidoo kale ka socda iska hor imaad xooggan oo sababay dhimasho iyo dhaawac, ciidanka Israaiil ayaa dhowaan si tartiib-tartiib ah isaga baxay qaar kamid ah xaafadaha Magaaladaas kaddib markii dagaalka uu ku cuslaaday.
La soco wixii kasoo kordha.