Ciidamada gaarka u tababaran ee Kumaandooska DANAB ayaa ka qaybgalaya dhoollaturka Militari ee berri ka billaabanaya Dalka Kenya ee la qorsheeyay in uu socdo inta u dhaxaysa 26ka Febaraayo ilaa 7da Maarso 2024.
Ciidamadaan ayaa mudnaan gaar ah ku dhex leh howlgallada ka dhanka ah βASβ ee dhulka baaxadda wayn looga qabsaday deegaanno kala duwan oo dhaca Koofurta & Bartama Soomaaliya sida lagu yiri warbixinta laga soo gudbiyay dhoolatuskaan.
Maraykanka oo tababaray ciidamadaan Kumaandooska DANAB ayaa hor-boodaya dhuulatuska waxaana uga qaybgalaysa saraakiil iyada oo arrintaan lagu muujinayo cududa ama awoodda ciidamadaan ay tababarka siisay Xukuumadda Washington ee Geeska Afrika ku sugan.
Marka uu dhoolatuskaan uu soo idlaado waxaa lagu wadaa in war rasmi ah laga soosaaro iyada oo lagu muujinayo sida wadajirka ah ee ciidamadaan uwada sameeyeen bandhiggooda oo ay goobjoog ka noqonayaan marti lagu casuumay.
Saraakiisha ka qaybgalaya Dhoolatuska waxaa kamid ah Xubno metalaya Qaramada Midoobay, Midowga Yurub iyo masβuuliyiin kale oo dhammaantood indhaha ku haya xaaladda kala guurka ee bixitaanka Ciidamada Midowga Afrika ee ATMIS.