Howlgalka ATMIS gaar ahaan ciidamada Uganda iyo Ciidanka Booliiska iyo Xoogga ayaa sheegay in ay howlgallo wadajir ah in ay ka sameeyeen degmada Afgooye iyo deegaannada hoos yimaada.
War-saxaafadeed ka soo baxay howlgalka ATMIS ayaa lagu sheegay in howlgalka ay si gaar ah uga sameeyeen inta u dhaxeysa Aribiska ilaa Lafoole, iyada oo lagu jaraayay dhirta ku taalla wadada hareeraheeda.
Sidoo kale, waxaa ay tilmaameen in howlgalka ay ugu talagaleen si gaar ah in ay ka hortagaan qaraxyada miinooyinka ee lagu aaso wadada dhinaceeda.
Goobaha ayay saraakiisha sheegeen in xilliyada qaar lagu aaso miinooyin waxyeelo u geysta dadka shacabka ah iyo askarta.