Kooxda Dawlada Hoose ee Burco ayaa garaacday Kooxda Asluubta ee Hargiesa kulan dhacay garoonka Cabdala Staduim ee magaalada Bar-bera.
Kulanka ayaa ahaa final-ka ama kulanka kama dambaysta ah ee Somaliland Champions League oo ay isugu yimaadaan kooxaha gobolda Somaliland ka ciyaara.
Kooxda Dawlada hoose ee Burco ayaa ku dur-durisay kooxda Asluubta ee Hargiesa kulan dhinac kaliya ahaa guud ahaan ciyaarta.
Kooxda Dawlada Hoose ee Burco ayaa dhalisay goolka 1-aad waxana u dhaliyay xiddiga Cabdifataax Nani kaas oo hogaanka u dhiibay kooxdiisa.
Ka hor dhamaadkii qaybta hore ayuu xiddiga CabdilaahiΒ Jiiro hogaanka u dheereeyay kooxdiisa isaga oo ciyaarta ka dhigay 2/0.
Qaybtii dambe ayay kooxda Asluubta Hargiesa isku dayday in ay ciyaarta ku soo laabato laakiin uma aysan suurtogalin arintaas.
Dhamaadkii ciyaarta ayay kooxda Burco dhalisay goolka 3-aad waxana u dhaliyay xiddiga shaakir cawaale kaas oo ciyaarta ka dhigay 3/0.
Waxa sidaas ku dhamaatay ciyaarta oo kooxda Dawlada hoose ee Burco ku guulaystay champions League Somaliland markii ugu horaysay taariikhdooda.