Dowladda Burundi ayaa la sheegay in si iskeed ah isaga baxeyso howlgalka cusub ee AUSSOM kaddib markii ay qoonsatay in laga siiyo fursad ah saami qaybsiga ciidanka dheeraadka ah ee lagu soo kordhiyo howlgalkaan billaabanaya 2025.
Xukuumadda Bujumbura ayaa laga dalbaday in ay soo dirto 1,000 Askari balse waxa shuruud ka dhigtay in saamiga ciidankaan laga siiyo 2,000 oo askari, muran kaddib Dowladda Burundi ayaa go’aansatay in ay isaga baxdo Howlgalka AUSSOM.
Sarkaal aan magaciisa iyo derajadiisa la sheegin ayaa shaaciyay in Dowladda Burundi ay isaga baxeyso howlgalka AUSSOM haddii aan loo ogolaan soo jeedintooda taasi oo caqabad ku noqotay in la aqbalo codsigooda
In ka badan 5,000 oo askari ayay Burundi ku leedahay howlgalka Midowga Afrika ee Soomaaliya, sanadkii 2017dii ayay Bujumbura mar ku dhawaatay in ay Soomaaliya kala baxdo Ciidamada ka jooga sabab la xiriirta kaddib markii Midowga Afrika joojiyay taageerrada uu siiyo.
Dowladda Federaalka Soomaaliya oo awood buuxda loo siiyay diidmada iyo aqbalka Dalalka Xubnaha ka noqonaya howlgalka cusub ee AUSSOM, marka uu warkaan si rasmi ah usoo baxo ayaa la filayaa in Dowladdu ay ka hadasho sida ay sheegeen ilo kala duwan.
La soco wixii kasoo kordha