Booliiska Dalka Netherlands ayaa billaabay baaritaanno la xiriira weerar lagu beegsaday Taageerayaasha Kooxda Maccabi Tel Aviv ee Israa’iil, waxaana la arkayay Dad badan oo Yuhuud ah oo kala ordaya kaddib markii la beegsaday.
Ra’iisul Wasaaraha Holland Dick Schoof ayaa sheegay in ciidamada ammaanka ay si buuxda u baarayaan weerarka ka dhanka ah Yuhuudda ee ka dhacay Bartamaha Magaalada Amsterdam si ka dabatag loogu sameeyo falkaas.
Dadka beegsaday Taageerayaashaan Yuhuudda ah ayaa ku dhawaaqayay ereyo ka dhan ah dhibaatooyinka ay Israa’iil ka geysaneyso Bariga Dhexe, waxaana laga soo xigtay in ay dhaheen ‘nabad kuma socon doontaan inta aad dhibaatada geysaneysaan’.
Ra’iisul Wasaaraha Israa’iil Benjamin Netanyahu ayaa sheegay in labo diyaarad oo degdeg ah kuna sheegay in ay yihiin kuwa badbaadada uu u diray Magaalada Amsterdam ee xarunta Netherlands si Dadkiisa loo badbaadiyo sida uu hadalka u dhigay.
Israa’iil ayaa dunida ka noqotay tuke cambaar leh kaddib markii muddo sanad ka badan ay gumaad ka geysaneyso Bariga Dhexe, Dalal badan oo ah kuwa reer Yurub ayaa kasoo horjeystay xasuuqa ay wado, waxaana laga cabsi qabaa in dalal kale lagu beegsado muwaadiniinta Yuhuuda ah.