Kaddib shir goordhow ka dhacay degmada Maxaas ee gobolka Hiiraan aayna ka qeyb galeen Nabadoonada Odayaasha dhaqanka Waxgaradka Aqoonyahanada iyo Dhallinyarada beesha Cali Madaxweyne ayaa loogu doortay Nabadoon Cabdi Muumin Guuleed in uu noqdo nabadoonka guud ee beelweynta Cali Madaxweyne ee Xawaadlle.
Nabadoonka cusub ee beesha Cali Madaxweyne Nabadoon Cabdi Muumin Guuleed ayaa dadka ku tilmaamaan shaqsi leh hoggaan dhaqan aqoon iyo waaya-aragnimo jecel midnimada beesha.
Nabadoon Cabdi Muumin Guuleed ayaa badalay UN- Nabadoon Cilmi Hagar Guure oo 29, Sebtembar 2022 ku shahiiday dagaalka Argagaxisada looga saaray qeybo badan oo kamid ah gobolka Hiiraan.
Nabadoonka cusub beesha Cali Madaxweyne Nabadoon Cabdi Muumin Guuleed sanadkii 1964 ku dhashay Beledweyne, waxuuna ku soo aaday xilli gobolka uu ka socdo dagaal ka dhan ah Argagaxisada sidoo kale aay jiraan xaalado dhanka siyaasadda ah waxaana looga fadhiyaa Nabadoonka Midnimada besha hoggaaminta wanaagsan.
