Madaxweynaha Dowladda Jubaland, Mudane Axmed Maxamed Islaam, ayaa booqasho dhiirigelin ah ugu tagay Ciidamada Mareykanka ee qeybta ka ah howlgalka AFRICOM ee ka howlgala Jubaland.
Madaxweynaha ayaa ciidamada Mareykanka uga mahadceliyay taageerada joogtada ah ee ay la garab taagan yihiin shacabka Soomaaliyeed, gaar ahaan dhinacyada amniga, tababarka iyo howlgalka la dagaallanka al shabaab iyo kaalintii muhiimka ahayd ee ay ku lahaayeen howlgalladii ugu dambeeyay, kuwaas oo ka dhacay deegaano kala duwan oo Jubaland ka tirsan.
Madaxweynaha ayaa ciidamada Mareykanka ku ammaanay geesinimada iyo wada shaqeynta ay muujiyeen
Wuxuuna si rasmi ah u gudoonsiiyay Bilad Sharaf iyo Shahaado Mahadcelin isagoo uga mahadceliyay doorkooda muhiimka ah ee tageerada dhinacyada badan ee Amniga Soomaaliya.
Mareykanka ayaa waxaa Soomaaliya ka jooga boqolaal askari oo DF iyo dowlad goboleedyada xubnaha ka ah ka taageera tababarada ciidamada iyo howlgalada ka dhanka ah kooxda Al Shabaab.
