Waxaa magaalada Otowo dalka Kanada ku geeriyooday Axmed Xaaji Cilmi Guure, oo ka mid ahaa bahdiii duulimaaadka Soomaaliya xilligii dowladdii dhexe sidoo kelana door weyn ku lahaa aasaaaskii warbaahinta qoraalka ee Soomaaliya ka dib burburkii dalka.
Axmed Guure, waxaa uu ka mid ahaa duuliyaashii diyaaradihii Soomaali Airlines muddo dheerna waxaa uu ka mid ahaa raggii duulinayey diyaaradahaas.
Markii dalka burburay Axmed, waxaa uu aaasaasay website-ka qoraalka ah ee Hiiraan Online oo uu maamule iyo mulkiile ka ahaa,taas oo door weyn ku lahayd kobaca saxaafada Soomaalida.
Kabtan Ibraahiim Abiikar Nuur, waxay muddo dheer saaxiib iyo shaqo wadaag ahayeen Guure, wuxuu ku tilmaamay geeridiisa mid si weyn looga naxay.
“Waxaa dhacday geeri naxdin leh,waxaan aqaannay muddo konton sano ka badan, wuxuu ahaa nin saciim ah”ayuu yiri Kabtan Ibraahim.
Dadka yaqaanay waxay sidoo kale ku tilmaameen inuu ahaa shaqsi dhibrin badan oo taageerada dadka nugul.
“Wuxuu ahaa qof si weyn ugu gargaaara dadka saboolka ah ee taagta darran”ayuu yiri BBC-da u sheegay Kabtan Ibraahim.
Doorkiisii Duulimaadka Somali Airline
Xigashada Sawirka,Hiiraan Online
Axmed Xasan Guure, wuxuu ka mid ahaa siddeed iyo tobban arday ah oo xlligii dowladdii dhexe ka jirtay dalka loo qaatay inay bartaan duuliyanimo ka dib tartan dheer oo intixaano ahaa sida uu BBC-dau sheegay Kabtan Ibraahim Abiikar oo isla waqti la qoray.
“Annagoo dhalinyaro badan ah ayaa na loo qaatay inaan barano duuliyanimo, waxaan tagnay Jarmal, waxay ahayd deeq waxbarasho, waxaa bixinaysay shirkada Luftansa, qaybta Casharada waxaan ku qadanay dalka Jarmalka halka markii danbana qaybta barashada wadida diyaarada aan ku soo qaadanay Arizona dalka Maraykanka, markii shahaadada an qaadanayeyna waxaan ku laabanay Soomaaliya” ayuu yiri Kabtan Ibraahim.
Markii isaga iyo saaxiibadiis ay ku soo laabteen Soomaaliya, waxay ka mid noqdeen duuliyaashii diyaaradii Somali Airline, sanadkii 1982-dii
Xigashada Sawirka,Hiiraan Online
“Waxaan ku duuli jirnay Fokor F27,oo Somali Airline lahayd iyo markii danbe oo ku duuli jiray Dornier 228,oo Jarmalka ay keeneen oo uu isagu kabtan ka ahaa” ayuu intaas raaciyey Kabtan Ibraahim.
Wuxuu sidoo kale ahaa marxuunku qofkii maamulayey bartii Internetka ee Somali Airline oo ilaa hadda uu gacanta ku hayey sida uu BBCda u sheegay Kabtan Ibraahim Abiikar.
Axmed Guure, wuxuu ka mid ahaa shaqaalaha Somali Airline ilaa intii dalku galay xaaladdii burburka ahayd.
Asaaskiisii website-ka Hiiraan Online
Xigashada Sawirka,Baraha Bulshada
Axmed Xaaji Cilmi Guure, waxuu hormuud u ahaa shaqsiyaadkii ku fekeray in la asaaso warbaahin xilli warbaahintii dowladda ay meesha ka baxday ayna yarayd warbaahin Soomali leedahay oo laga helo xogta dalka.
Sanadkii 1999-kii waxyar ka dib burburka dalka oo ay bilowdeen dagaalada Sokeeye Axmed Guure, wuxuu asaasay warsidaha qoraalka ee Hiiraan Online.
Hiiraan Online, ayaa ka mid ah warbaahinta ilaa hadda sida weyn Soomaalidu ugu xiran tahay.
Salaad Iidow Xasan Xiis oo muddo 15 sanaa ka howlgalyey websiteka Hiiraan Online ayaa BBC-da u sheegay in mareegtaasi ahayd tii ugu horreysay ee la hirgaliyo.
Wuxuu sheegay Xiis, in Guure, u sheegay in sababta ugu weyn ee uu u asaasay Mareegtaas ay ahayd inay noqoto xarig isku xira Soomaalidii qurbaha aaday iyo kuwii dalkii joogay ayna helaan xog ku saabsan dalka.
“Waa qabaa inay hadafkaas buuxisay, waliba waxay Soomaalida dhexdheeda ku yeelatay aaminaad badan, xitaa waxaa kale oo ku xirnaa warbaahinta kale ee shisheeye iyo haya’addaha Caalamigaa oo xogta ka qaadan jiray” ayuu jira Salaad Xiis.
Waa kuma Axmed Guure?
Alaha u raxmeee Axmed Xaji Cilmi Guure, waxaa uu ku dhashay magaalada Baladweyne ee gobolka Hiiraan, halkaas oo yaraantiisii ku soo barbaraay isla magaaladaas oo waxbarashadiisa dugsiga hoose dhexe uu ku soo qaatay.
Dugsiga sare waxaa uu ku qaatay magaalada Jowhar iskoolkii la oran jiray Mishinkii Maraykanka halkaas oo ilaa fasalka 3-aad ee dugsiga sare ku qaatay markii danbe uu u wareegay magaalada Muqdisho oo dugsigii sare ee Banaadir uu waxbarashadiisa sare ku dhamaysta uuna galay Xalane sida uu BBC-da u sheegay Kabtan Ibraahim Abiikar oo isku arday ahaayeen.
Markii burburku dhacay Allaha u raxmadee Axmed Guure, wuxuu ka mid ahaa dadkii u qaxay dibada isagoo deganaansho ka helay dalka Kanada bilowgii sagaashameyadii .
Kabtan Axmed Guure, wuxuu uu ifka uga tagay xaas, todoba caruur ah iyo saddex ay sii dhaleen sida ay daabacday Hiiraan Online.