Wararka ka imaanay deegaanka Ceelbaraf ee Gobolka Shabeellada Dhexe, ayaa sheegay in Ciidamada Xoogga Dalka Soomaaliyeed oo kaashanaya kuwa deegaanka ayaa weerar ku qaaday xubno ka tirsan Al-shabaab, kuwaas oo ku sugnaa duleedka deegaanka Ceelbaraf ee Gobolka Shabeellada Dhexe.
Wararka ayaa intaas ku daraya in dagaalka dhex maray Ciidamada Xoogga Dalka Soomaaliyeed iyo kuwa deegaanka, ay jiraan khasaaro isgu jiro Dhimasho iyo Dhaawac; iyada oo ay dagaalka qeyb ka ahaayeen ciidamada circa oo duqeyn xagga cirka ah adeegsanayay.
Sidoo kale, illaa iyo hadda lama oga khasaaraha ka dhashay dagaalka balse wararka qaar ayaa sheegaya in khasaare xoog leh la gaarsiiyay Al-shabaab ee halkaas ku sugnaa.
Weerarka ay saakay Ciidamadu ku qaadeen waxaa lasoo sheegayaa in khasaare culus lagu gaarsiiyey Al-shabaab, iyada oo weli faahfaahin rasmi ah la haynin.
La soco wixii ka soo kordho Radiohalgan.com