Trump oo ka noqday hanjabaaddii canshuuraha ee la xiriirtay Greenland

Madaxweyne Trump ayaa sheegay inuusan hirgelin doonin canshuurihii la qorsheeyay inay dhaqan galaan 1-da Febraayo.

Qoraal uu ku daabacay barta Truth Social ayuu ku sheegay in, kadib “kulan aad u miro-dhalay” oo uu la yeeshay Xoghayaha Guud ee NATO, Mark Rutte, ay “sameeyeen qaab-dhismeedka heshiis mustaqbal ah oo la xiriira Greenland.”

Wuxuu yiri: “Xalkan, haddii la dhammeystiro, wuxuu u noqon doonaa mid aad u wanaagsan Mareykanka iyo dhammaan waddamada NATO.”

“Marka la eego is-afgaradkan, ma hirgelin doono canshuurihii loo qorsheeyay inay dhaqan galaan 1-da Febraayo. Wadahadallo dheeraad ah ayaa socda oo ku saabsan Mashruuca Golden Dome sida uu ula xiriiro Greenland.”

“Faahfaahin dheeraad ah ayaa la bixin doonaa marka wadahadalladu sii socdaan. Madaxweyne-ku-xigeenka JD Vance, Xoghayaha Arrimaha Dibadda Marco Rubio, Ergayga Gaarka ah Steve Witkoff, iyo qaar kale oo loo baahdo, ayaa mas’uul ka noqon doona wadaxaajoodyada — waxayna si toos ah ii soo wargelin doonaan. Waad ku mahadsan tihiin sida aad arrintan u danaynayseen.”