Ciidamada Dowladda iyo Macawiisleyda gobolka Hiiraan ayaa weerar qorsheysan oo aay ka fuliyeen deegaanka Abooreey oo hoostaga degmada Buulo-burte ku dilay Horjooge iyo Maleeshiyaad kooxda Al-Shabaab ka tirsan.
Weerarkan oo aay geesiyaasha
Ciidamada Dowladda iyo Macawiisleyda
fuliyeen aruurtii hore ee saakay ayaa ciidamada is kaashanaya oo ku howl-gala xog sirdoon waxa aay weerar af jar ah ku qaadeen fariisin kooxda AS ku lahaayeen deegaanka Abooreey ee gobolka Hiiraan.
Dagaal socday muddo 1-Saac ah ayaa gudaha Abooreey ku dhaxmaray Ciidamada Dowladda iyo Macawiisleyda oo dhinac ah iyo kooxda AS
Sida ilo lagu kalsoonaan karo aay warbaahinta u xaqiijiyeen kooxda AS waxaa weerarkaasi kasoo gaaray khasaare weyn oo gaaraya 10 dhimasho ah waxaana kamid ah horjooge Abuu Xaniifa oo ahaa madaxii heestay ciidamada kooxda Al-Shabaab ee ku sugnaa deegaanka Abooreey oo ku baxay gacanta ciidamada dowladda iyo kuwa deegaanka.
Agaasimaha hay’adda Nabad-sugidda iyo sirdoonka qaranka Soomaaliya Mudane Cabdullaahi Maxamed Cali Sanbaloolshe oo weli ku sugan furimaha dagaalka gobolka Hiiraan ayaa wada abaabul xoogan si looga hortago dhagarta kooxda Al-Shabaab isla markaana looga saaro deegaanada aay Hirshabelle ugu suganyihiin.