Xildhibaan Aadan Xasan Maxamed Lafgareen oo maanta ku guuleystay doorashada kursiga HOP 172 ee Golaha Shacabka, isaga oo walaal la ah Madaxweynaha dowlad-goboleedka Koofur Galbeed, Cabdicasiis Xasan Maxamed (Laftagareen).
Doorashada kursigan HOP 172 oo ka dhacday magaalada Baydhabo, ayaa waxaa ku tartamay musharrax Suldano Hussein Hassan, laakiin Aadan Xasan ayaa ku guuleystay 92 ergay oo u codeeyay.
Isagoo hadal jeediyay kaddib guushiisa, wuxuu ballanqaaday inuu xoogga saari doono waxqabad iyo in uu si daacad ah u matalo dadka deegaanka.
Kursigan HOP 172 ayaa horay ugu fadhiyay Jeneral Mahad Cabdiraxmaan Aadan, kaasoo kamid ahaa xubnaha Golaha Shacabka ee Baarlamaanka 11-aad.