Isku-duwaha Caafimaadka gobolka Hiiraan Dr. Xasan Axmed Barqadle ayaa maanta shir guddoomiyay shirka isku-duwayaasha Caafimaadka gobolka Hiiraan oo markii ugu horeeysay taariikhda Beledweyne ka qabsoomay
Shirka ayaa diiradda lagu saaray dar dargelinta holwaha Caafimaadka gobolka Hiiraan si bulshada deegaanada iyo degmooyinka gobolka ka koobanyahay u helaan adeeg Caafimaad oo tayo leh.
Isku-duwayaasha Caafimaadka ee shirkaasi ka qeyb galay ayaa ka kala yimid degmooyinka Jalalaqsi Buulo-burde Maxaas Moqokori Matabaan Farlibaax iyo Beledweyne.
Isku duwaha Caafimaadka gobolka Hiiraan Xasan Axmed Barqadle ayaa warbixinno ka dhageestay isku-duwayaasha Caafimaadka degmooyinka gobolka Hiiraan, waxuuna faray in aay laba jibaaraan howlaha shaqo ee bulshada u haayaan.
Xasan Axmed Barqadle ayaa noqday isku duwahii ugu horeeyay ee Caafimaadka gobolka Hiiraan ee isku keena isku duwayaasha Caafimaadka degmooyinka gobolka Hiiraan si loo helo isla xisaabtay iyo dar dar gelin gasho.
Waxaa xusid mudan in isku duwaha Caafimaadka gobolka Hiiraan Xasan Axmed Barqadle mudda kooban ee xilkaasi uu ku magacaabanyahay uu qabtay shaqooyin balaaran oo bulshada aay mahadiyeen, qeybna aay ka tahay mideynta bahda Caafimaadka gobolka Hiiraan dhismaha xaruumo Caafimaad mareynta mashaariicda Caafimaad xaruumo Caafimaad oo laga hirgalshay deegaanada AS laga saaray IWM.
