Imaaraatka Carabta oo wafdi deg deg ah usoo diray Muqdisho, maalin kadib safarka taliyaha Sirdoonka Sudan.
Wararka naga soo gaaraya Muqdisho waxey sheegayaan in maanta garoonka Aden Cadde uu kasoo dagay Wasiiru Dowlaha Arrimaha Dibadda ee Imaaraatka Carabta, waxaana halkaasi kusoo dhaweeyay mas’uuliyiin ka tirsan Wasaaradda Arrimaha Dibadda Soomaaliya.
Sheekh Shakhboot bin Nahyan ayaa kulan la qaatay madaxweynaha dowladda Soomalaiya, lama oga waxyaabaha ay labada dhinac ka wada hadleen, iyadoo dowladda Soomalaiya ay hoos u dhigtay safarka Diblomaasigan.
Taliyaha Sirdoonka dalka Suudaan Axmed Ibrahim Mufadal oo shalay caadimadda soo gaaray ayaa madaxweyne Xasan ku wareejiyay dhambaal uu ka siday Guddoomiyaha Golaha kumeel-gaarka Qaranka Suudaan Gen, Abdelfarah Burhaan oo ku aaddan xoojinta xiriirka iyo iskaashiga dhinac kasta oo dan u ah labada dal.
Xiisada Sudan iyo Imaaraatka Carabta ayaa meel xun mareyso, iyadoo dowladda Soomaaliya ay horay ugu taageertay dowladda Suudaan guulaha ay ka gaartay dagaalada ka dhanka ah Kooxda RSF ee Imaaraadku taageero.