Kulanka Golaha Wasiirrada waxaa caawa shir-guddoomiyay Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) waxaana diirrada lagu saaray dagaalka Khawaarijta lagaga ciribtirayo guud ahaa Hirshabeelle.
Wasaaradda Amniga ayaa faahfaahin ka bixisay xaaladda amni ee guud ahaan Hirshabeelle, waxana ay tilmaamtay in saacadihii ugu dambeeyay guulo waa weyn laga gaaray Khawaarijta.
Sidoo kale Wasaaradda ayaa xustay inay dagaalka ku biireen ciidamada Daraawiishta Hirshabeelle qeybna ay ka ahaayeen howgalka Ciidamada Xoogga Dalka iyo kuwa deegaanka.
Shirka ayaa lagu gorfeeyay isbeddelka cimilada iyo abaar deegaanada qaar ee Hirshabeelle saameyn ku yeelatay xoolaha.
Wasaaradda Arrimaha Guddaha iyo Dowladdaha Hoose ayaa la wadaagtay Golaha Wasiirrada qaabka ay u dhacday doorrashada Golaha Deegaanka ee degmada Mahadaay iyo sida ay iminka ugu howlan yihiin doorrashada Golaha Deegaanka ee degmada Balcad.
Shirka Golaha Wasiirrada ayaa lagu ansixiyey degmo-nimada Biyo-cadde oo ay soo gudbisay Wasaaradda Arrimaha Gudaha iyo Dowladdaha Hoose.
Wasaaradda Qorsheynta iyo Iskaashiga Caalamiga ah ayaa Golaha u soo gudbisay saameynta xanibaada dibadda ee Hay’adda USAID oo mashaariic kala duwan ka waday Hirshabeelle.
Ugu dambeyn Madaxweynaha Dowladda Hirshabeelle ayaa shacabka ugu baaqay inay is-caawiyaan bisha barakeysan ee Ramadaan.
