Boqor Cismaan Aw Maxamuud Buurmadow ayaa marar badan hadal hayn dhaliyay, kadib markii uu ka hadlay arrimo xasaasi ah oo la xariira, siyaasad iyo Bulsho.
Dad badan ayaa is weydiinaya qofka uu yahay Buurmadoow.
Waxaa uu horaantii lixdameeyadii ku dhashay deeganka lebiga- Caanood oo ka tirsan degmada Xudun ee gobolka Sool.
Waxbarashadii diiniga iyo maadiga ilaa heer dugsi hoose dhexe ayuu ku qaatay degmada Sheekh ee gobolka Togdheer. Dugsiga sarena wuxuu kaga baxay dugsiga sare ee Waabari ee magaalada Muqdisho horaantii todobaatameeyadii ayuu kaga baxay Muqdisho.
Jaamacad ku taal dalka Sudan ayuu bilowgii siddeetanaadkii ka qaatay heerkiisa kowaad ee jaamacada isagoo bartay qaynuunka, sida uu u sheegay BBC da.
Boqor Buurmadow oo BBC-a la hadlay ayaa xusay in bartamihii siddeetamaadkii uu bilaabay ganacsi, xilligaas oo uu soo dhamaayey jaamacada, isagoo ka shaqayn jiray dhoofinta xoolaha oo u iibgayn jiray dalalka Khaliijka.
Sidee buu ku noqday Boqor?
Sida lagu yaqaano dhaqanka Soomaalida, xil dhaqameedku waa mid la iska dhaxlo, kaas oo si tirsi ah ay sanado kala dhaxlaan wiilasha iyo aabayaashood, laakiin xil dhaqameedka βBoqorβ ee uu hayo Buurmadow, waa mid isaga ka bilaabmay oo aabihiis iyo awowgiisba horey uma soo hayn saldano dhaqan.
Waxa uu sheegay in reerkiisu ay isaga boqor ka dhigteen sanadkii 2000.
Laakiin waraysi uu horey u siiyey BBC-da dhamadkii sanadkii 2021-kii oo lagu waydiiyey cida u isagu Boqarka ku matalo ayuu sheegay in uu Afrika oo dhan Boqor u yahay.
βWaxaan ku matalaa umadda Soomaaliyeed ee geeska oo dhan waxaan ku mataa Shacabka Somaliland,Kuwa Jabuuti, Kuwa kililka shanaad, kuwa NFD iyo kuwa Muqdisho degan ayaan ku matalaaβ ayuu ka jawaabay.
Wuxuu sheegay in lagu doortay dalka Liibiya, doorashadiisan aya goob joog ka ahaayeen dad uu ka mid yahay Madaxweynihii hore ee dalkaa Mucamar Al-Qadaafi iyo madax dhaqameed kale oo Soomaaliyeed.
β Afrika oo dhan ayaa I dooratay, geeska afrika baa n baa I doortay Liibiya ayey madax dhaqameedka Afrika oo dhan baa halkaa isugu yimi, doorasho weyn oo rasmi ah baa ka dhacay, Madaxda dhaqanka Maxamuud Cali Ugaas ayaa ka mid aha, rag siyaasiyiina oo Cumar Finish ka mid yahay ayaa ka mid ahaa dadkii goob jooga ka ahaa. Afrika oo dhan baa ii dooratayβ ayuu Yiri Boqor Buurmadow.
Shaqooyinkii uu qabtay intii hayey xilkan dhaqan ayuu BBC-da u sheegay inuu kaalin weyn ku lahaa heshiiskii Cabdilaahi Yuusuf Axmed Iyo Gen Maxamuud Muuse Gen Cadde ee lagu soo afjaray dagaal dad badani ku dhinteen oo sanadii 2000 ka dhacay Puntland.
Muxuu ahaa xirirka ka dhaxeeyey Boqor Buurmadow iyo Mucamar Al-Qadaafi
Boqor Cismaan aya BBC-da u sheegay in isaga iyo Madaxweynihii hore ee Liibiya Mucamar Al-Qadafi ay isku barteen dalka Niger halkaas oo ka mid ahaa dad ka shaqeeyey cilmi baaris ay Liibiya maalgalinaysay oo laga samayey dalkaasi.
βAniga iyo Qadaafi waxaan markii danbe noqonay saabiixo gaar ah, waxaan ka mid ahaa Boqoro Afrikana oo la socday oo meelo badan kala qayb galay shirar uu qabtay iyo kulamo uu gogosheeda lahaaβ ayuu yiri Boqor Buurmadow.
Wuxuu intaas ku daray in shirar badan oo nabadayn oo ka dhacay dalalka Afirka uu ka qayb qaatay xallintooda oo ay ka mid ahaayeen dalalka Niger, Chad, Sudan iyo Mauritania.
βAniga iyo Wasiirkii dhaqanka ee Liibiya, Rafac Al-Madani ayaa ka mid ahaa guddiga uu Qadaafi u saaray xiisad cinqilaabka ee Morotania, guddigaas oo aan gudoomiye u ahaa waxaan xallinay arintaas, marka nabaddayn badan ayaa ka shaqeeyey β ayuu BBC-da u shegay Boqor Buurmadow.
Boqor Buurmadoow ayaa marar badan dhaliyay hadal hayno ay ka caroodeen dad badan.
Sanadkii 2021 kii mar uu ka hadlay in huggaanka al Shabaab ay hayaan qoyska uu ka soo jeedo ayaa dad badan si adag uga falceliyeen.
Xilliyo hore waxaa marar kala duwan xabsiga dhigay Somalilnd, kadib dhaqdhaqaaqyo siyaasadeed oo ka qayb qaatay.
Buurmadoow wuxuu ku macneeyay dhaqdhaqaaqyadaas kuwa dhaqameed iyo nabadayn uu waday. Marar kala duwan oo warbaahintu wareysatay ayuu sidaas sheegay.