Qaban-qaabada munaasabadda sodhaweynta Ugaaska beesha Xawaadlle Ugaas Yuusuf Ugaas Xasan Ugaas Khaliif ayaa ka socota degmada Maxaas ee gobolka Hiiraan.
Guddiga qaban qaabada sodhaweynta Ugaaska ayaa degmada Maxaas ku diyaariyay sodhaweyn ka duwan kana qurux badan sodhaweenadii Ugaas Yuusuf horay loogu sameeyay deegaanno Hiiraan kamid ah oo Ugaaska uu horay u booqday.
Boqolaal kun oo ruux oo ka kala yimid Afarta Xaafad ee degmada Maxaas iyo inta u dhaxeysa deegaanada Teedaan, Goobo, Tardo, Mabaax, illa Moqokori ayaa soo buux dhaafiyay degmada Maxaas si aay sodhaweynta Ugaaska uga qeyb qaataan.
Gaadiidka soo galbin lahaa Ugaaska oo laga diray degmada Maxaas ayaa gaaray magaalada Beledweyne si aay u soo galbiyaan Ugaaska.
Sida weyn ee sodhaweynta Ugaaska loo diyaariyay iyo Hadiyado kala duwan ee beesha Cali Madaxweyne Ugaaska Yuusuf ugu tala gashay ayaa Record-cusub u dhigi doona dhamaan sodhaweenadii hore ee Ugaas Yuusuf loogu sameeyay deegaanno kamid ah gobolka Hiiraan.