Maxkamadda Gobolka Banaadir ayaa maanta bilowday kiiska dacwad ay eedeysanayaal ka yihiin Mas’uuliyiin caan ah oo ka tirsanaa Hay’adaha Socdaalka iyo Jinsiyadaha Soomaaliya iyo Wasaaradda Maaliyadda dowladda Soomaaliya.
Xeer ilaalinta Qaranka ayaa mas’uuliyiintan kusoo eedeysan denbiyo ay ka mid yihiin; Lunsasho hanti Dadweyne, Musuqmaasuq iyo Lacag dhaqid, waxaana Maxkamadda horteeda eedaha loo heysto madaxdaasi ka akhriyay Guddoomiyaha Gobolka Banaadir Saalax Dabbaan.
Mas’uuliyiintan oo gaaraya 12 qof ayaa iyagoo maqan dacwadooda ka bilaabtay Maxkamadda Gobolka Banaadir ayaa waxaa ka mida:
1- Agaasimihii hore ee Hay’adda socdaalka iyo JInsiyadaha Maxamed Aadan Koofi
2- Agaasimihii hore ee Hay’adda socdaalka iyo JInsiyadaha C/qaadir Cilmi Cali (Cabdul)
3- Madixii Waaxda Canshuuraha Berriga ee Wasaaradda Maaliyadda Muxidiin Xasan Juris (Saabey).
Mas’uuliyiintii hore ee Hay’adaha dowladda, laguna soo eedeeyay Musuqmaasuqa ayaa lagu waayey denbigii ugu weynee ee Musuqmaasuq, iyadoo qaar la sii daayay qaar kalena dembiyo kale lagu xukumay, iyadoo Kiiskooda weli ka socdo Maxkamadda Rafcaanka Gobolka Banaadir.