Maxaan ka naqaanau Hoggaamiyihii-ruuxiga Iiraan?
Aayatullah Cali Khameeni, wuxuu ahaa shakhsiga ugu awooda badan Iiran & hoggaamiyaha ugu sarreeya dalka tan iyo 1989-kii.
Wuxu ahaa madaxa qaranka iyo taliyaha guud. Wuxuu lahaa awooda amarka ciidanka qaranka iyo booliiska.
Ayatullah Khameenei waxa kale oo uu gacanta ku hayey Ciidanka Ilaalada Kacaanka Islaamiga ah (IRGC), oo qaabilsan amniga gudaha, iyo garabkeeda iskaa wax u qabso, Ciidanka iska caabbinta.
Cali Khamenei waxa uu ku dhashay magaalada Mashhad ee waqooyibari sanadkii 1939-kii, waana wiil uu dhalay caalim dhanka diinta ah, Cali Khameenei waxa uu wax ku bartay machadyo ku yaalla magaaladii uu ka soo jeeday ka hor inta uusan u wareegin magaalada Qom ee ay Shiicada barakeystaan.
Sannadkii 1962-kii, waxa uu ku biiray dhaqdhaqaaqa mucaaradka diineed ee Ayatollah Khomeeni ee ka soo horjeeday Shah Mohammad Reza Pahlavi.
Cali Khameeni oo da’da yar wuxuu noqday taageere daacad u ah Khumeyni. Sida laga soo xigtay xogtiisa, wax kasta oo uu sameeyay oo uu aaminsanaa waxay ka soo jeedaan aragtida Khumeyni ee Islaamka.
Muddadii 36-ka sano ahayd ee uu xukumaye Iiraan, waxa uu waday siyaasado ka dhan ah Maraykanka iyo reer galbeedka, isaga oo ku tiirsanaa Ruushka iyo Shiinaha. Waxa uu ku dhaqaaqay siyaasad nukliyeer ah taas oo uu sabab saday.
Kacaanka Iiraan waxay goor horeba sheegeen; in marka hoggaamiye meesha ka baxo uu mid kale u beddeleyo oo aysan jabayn.