XOG:- Maxaa loga wada hadlay kulankii Madaxweynaha Masar Iyo Boqorka Imaaradka Maxamed Bin Zayed MBZ
Sida ay werisay jariidadda Al-Akhbar, oo soo xiganaysa ilo-wareedyo Masaari ah, Madaxweyne Cabdifataax Al-Sisi ayaa fariimo culus oo ka timid Sacuudiga u gudbiyey Madaxweynaha Imaaraadka, Maxamed bin Zayed.
Qodobbada iyo dalabaadka Sacuudiga ee miiska saaran waxaa ka mid ah:
Arrimaha Yemen:
In Madaxweynaha Imaaraadku uu booqasho ku tago Riyadh si uu ula kulmo Dhaxal-sugaha Sacuudiga.
In Imaaraadku ka tanaasulo taageerada uu siiyo xoogagga gooni-u-goosadka ah ee Yemen.
In la joojiyo maalgelinta iyo dhiirigelinta dhaqdhaqaaqyadaas, loona diido hoggaamiyeyaashooda ku nool Imaaraadka inay qabtaan wax dhaqdhaqaaq siyaasadeed ah.
Tallaabadaas ayaa gogol-xaar u ah in shakhsiyaadka loo haysto dambiyada lagu wareejiyo dawladda sharciga ah ee Yemen.
Arrimaha Suudaan:
In si degdeg ah loo joojiyo taageero kasta oo la siiyo xoogagga RSF ee Suudaan, gaar ahaan hubka iyo maalgelinta.
In cadaadis lagu saaro hoggaanka RSF inay aqbalaan miiska wadahadalka.
Ujeeddadu waa in dib loo soo nooleeyo “Madashii Jidda” si loo soo afjaro dagaalka, loona xoojiyo doorka Ciidanka Qaranka Suudaan inta lagu jiro xilliga kala guurka.
Qorshahan ayaa lagu wadaa inuu horseedo doorashooyin madaxtooyo iyo kuwo baarlamaan, iyo in la qoro distoor cusub oo ay yeelato dalka Suudaan.