Kadib markii labaad ee uu fashilmay wadahaladii hogaanka dowladda Soomaaliya iyo xubnaha golaha Mustaqbalka kaas oo looga hadlay is diidooyinka DFS iyo golaha waxa uu mar kale madaxweyne Xasan Shiikh dalbaday furad kale.
Madaxweynaha Soomaaliya Xasan Sheekh Maxamuud oo la hadlay xubnaha Golaha Mustaqbalka kadib markii maanta uu natiijo la’aan kusoo idlaaday kulankoodii is araggii 2-aad ahaa oo ay kaga hadlayeen dhinacyadu Doorashada iyo Dastuurka taasi oo keentay iney dhinacyadu kala fogaadaan.
Golaha oo markii ay maanta ka tageen madaxtooyada qorsheeyey Shir jaraa’id oo ay ku shaacin lahaayeen in ay burbureen wadahadaladii kala dhexeeyey Villa Somalia ayaa waxaa madaxweyne Xasan Sheekh uu la hadlay xubna kamid ah Golaha isagoo ka codsaday inay siiyaan fursad illaa maalinta beri ah waxaana Golaha Mustaqbalka uu aqbalay codsiga Madaxweynaha.
Ilaa hadda lama oga sababta madaxweynuhu u dalbaday fursadaas balse golaha Mustaqbalku waxa ay qorsheynayaan iney ku dhawaaqaan in wax kasta oo dhanka hogaanka DFS ah uu soo dhamaaday.