Gudoomiyaha Dhalinyarada Doowlad Goboleedka Hirshabeelle ayaa si adag uga Hadlay Hakinta Maashariicda Dhismaha laamiga Baladweyne.
Aqriso:
“NASIIB DARO IYO NIYAD JAB.!!
Cali Jeyte Cismaan oo soo noqday xildhibaan federaal, wasiir federaal, labo jeer oo gudoomiye gobal ah iyo hadda oo uu yahay ergaga madaxweynaha Somaaliya ee ciidanka deegaanka, maanta lagama fileeyn inuu hormar iyo dib u dhiska magaalada Beledweyne uu hor istaago waana talaabo uusan ka fiirsan.
Waxaan cambaateeynayaa falka lagu joojiyay dhismaha wadooyinka magaalada Beledweyne.
Mashruucan Nagaad oo laga fulaiyay magalaooyin badan qaarna uu weli socdo waa dhismaha wadooyin laami ah oo gaaraya 24km balse waxaa hadda lafasaxay 9km, waa mashruuc lagu hormarinaayo kaabayaasha dhaqaalaha magaalada Beledweyne, mashruucan oo soo jiitamay wuxuu soo maray duruufo badan balse hadda wuu biloowday waxaana kambaniyadu aay bilaabeen dhismaha sedex wado.
Beledweyne waa magaalo NASIIB DARAAN, oo qofkii maamul kasoo noqday uu hor boodaayo inaan kadibkiis wax horumar ah lasameeyn, waxaa horay u joogsaday dhismaha xarumaha maamulka gobalka, degmada iyo duqa magaalada, waxaana hor istaagay siyaasiyiin qab-qablayaal ah oo xil doonayaal ahaa.
Qofkii xil iyo xoolo u baahan waxaa jira wadooyin badan oo uu ku raadsan karo lkn waa NASIIB DARO in lahor istaago horumarka shacabka magaalada Beledweyne.
Odayaasha, culimada iyo qof kasta oo waxgaradka reer Hiraan masuuliyad ayaa ka saaran inaay ilaashadaan mashaariicda horumarineed, waana inaay keenaan xal rasmi ah oo aay kusii socon karaan mashaariicda mustaqbalka u ah shacabka.
Dowlada Somaaliya oo uu ugu horeeya madaxweynaha dalka Xassan Shiiq Maxamuud waa muhiim inuu ka qeeyb qaato xalinta mushkiladan haaysata shacabka magaalada Beledweyne.
“Siyaasiyiinta Afrikaanku waa kuwa dib u cuna dhaxalka caruurtooda”.