Wararka ka imaanaya magaalada Dhuusomareeb ee caasinadda maamulka Galmudug ayaa sheegaya in xalay dil dad badan ka argagaxeen uu ka dhacay deegaanka Bulacle oo hoostaga magaalada Duusomareeb.
Dabley hubeysan oon wali heybtooda rasmiga ah la garan ayaa xalay deegaanka Bulacle dil ugu geestay Macalin Dugsi Qur’aan ku heestay deegaankaasi iyo xaaskiisa, kuwaa oo lagu weeraray gurigii ay degnaayeen.
Dadka deegaanka ayaana ku waramay in dilka kaddib kooxdii falkaasi geesatay ay goobta isaga baxsadeen, waxaana saakay deegaanka dilku ka dhacay gaaray ciidamo booliis ah, kuwaa oo bilaabay baaritaanka dilka iyo ciddii ka dambeysay.
Warar soo baxaya ayaa sheegaya in dilkan loo geestay Macalinka dugsi Qur’aanka iyo xaaskiisa uu salka ku hayo aano qabiil, waxaana horey deegaankan uga dhacay dilal salka ku hayay anooyin qabiil.